உண்மைகள்

பேரழிவுகள் தரும் தெளிவுகள்-பாகம் 02

2012-01-21T01:02:00.000+05:30

இறைவனின் திருப்பெயரால்...

பேரழிவுகள் தரும் தெளிவுகள் என்ற தலைப்பில் சமிபகாலமாக எற்பட கூடிய அழிவுகள் எதற்காக ஏற்படுகிறது அதிலிருந்து நம்மை காக்க என்ன வழி என்பது போன்றவற்றை இஸ்லாமிய கண்ணோட்டத்தில் இந்த கட்டுரையில் எழுத தீர்மானித்து இந்த கட்டுரையின் முதல் பகுதியும் எழுதப்பட்டது.அதன் இரண்டாவது பகுதி இந்த கட்டுரை.

முதல் பகுதி படிக்க கீழே கிளிக் செய்யவும்.

பேரழிவுகள் தரும் தெளிவுகள்-பாகம் 01

சென்ற பாகத்தில் அழிவுகள் இரண்டு காரணங்களுக்காக ஏற்படுகிறது என்றும் அந்த காரணங்கள் குறித்து திருமறையின் கூற்றையும் பார்த்தோம்.

அடுத்ததாக

2.எப்போது அழிவுகள் எற்படும்...

இறைவன் அழிவுகளை ஏற்படுத்துவதற்க்கு ஒரு காலக்கெடு விதித்துள்ளான்.அந்த தவணை காலம் வருவதற்க்கு முன்பாக திருந்தி வருந்தி இறைவனிடம் பாவமன்னிப்பு தேடினால் தப்பித்துவிடலாம்.

திருமறை குர்ஆன் பேசுகிறது.

وَتِلْكَ الْقُرَى أَهْلَكْنَاهُمْ لَمَّا ظَلَمُوا وَجَعَلْنَا لِمَهْلِكِهِم مَّوْعِدًا -59,

பல ஊர்களை சேர்ந்தவர்கள் அநீதி இழைத்த போது அவர்களை அழித்தோம். அவர்களை அழிப்பதற்க்கு ஒரு காலகெடுவையும் எற்படுத்தினோம்.(அல்குர்ஆன்-18:59)

திருமறை குர்ஆன் பேசுகிறது.

"என் சமுதாயமே! அல்லாஹ்வை வணங்குங்கள்! அவனுக்கு அஞ்சுங்கள்! எனக்குக் கட்டுப்படுங்கள் என்று நான் உங்களுக்குத் தெளிவாக எச்சரிப்பவன். அவன் உங்கள் பாவங்களை மன்னிப்பான். குறிப்பிட்ட தவணை வரை உங்களுக்கு அவகாசம் தருவான். அல்லாஹ்வின் தவணை வரும் போது அது பிற்படுத்தப்படாது. நீங்கள் அறிந்து கொள்ள வேண்டாமா?'' என்று அவர் கூறினார்.(அல்குர்ஆன்-71:2,3,4)

அதேபோல்...அழிவு இரவு நேரத்திலோ முற்பகலில் தூங்கும் போதோ வந்து சேரும்....

திருமறை குர்ஆன் பேசுகிறது.

وَكَم مِّن قَرْيَةٍ أَهْلَكْنَاهَا فَجَاءهَا بَأْسُنَا بَيَاتًا أَوْ هُمْ قَآئِلُونَ -4,

எத்தனையோ ஊர்களை அழித்திருக்கிறோம்.அவ்வூர்களூக்கு நமது வேதனை இரவு நேரத்திலோ முற்பகலில் தூங்கும் போதோ வந்து சேர்ந்தது.(அல்குர்ஆன்7:4)

அழிவு எற்படுவதற்க்கு முன்பாக அந்த பகுதியை அனாச்சாரங்களில் மூழ்கியவற்களாகவும்,ஆடம்பரத்தில் திளைத்தவர்களாகவும் வாழ செய்து அழிப்பான்.

அழிவு நிகழ்ந்த பிறகு சரியான கண்ணோடு பார்த்தால்...இவர்களுக்கு நேர்ந்தது தவறில்லை என்று சொல்ல வேண்டும்.மாறாக இறைவனை விமர்சிக்க முடியாது.

திருமறை குர்ஆன் பேசுகிறது.

وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُواْ فِيهَا فَحَقَّ عَلَيْهَا الْقَوْلُ فَدَمَّرْنَاهَا تَدْمِيرًا -16,

ஒர் ஊரை நாம் அழிக்க நாடும் போது அவ்வூரில் சுகபோகத்தில் மூழ்கியோருக்கு (கட்டுப்பட்டு நடக்குமாறு)கட்டளையிடுவோம். அவர்கள் அதில் குற்றம் புரிவார்கள்.எனவே அவ்வூருக்கு எதிராக (நமது) வார்த்தை உறுதியாகி விடுகிறது.உடனே அதை அடியோடு அழிப்போம்.(அல்குர்ஆன்-17:16)

3.திருமறையில் கூறப்பட்ட ஒரு சில அழிவுகள் குறித்தும் அது நிகழ்ந்த காரணங்கள் குறித்தும் பார்க்கலாம்.

1.மத்யன்வாசிகள்

மத்யன்வாசிகளிடம் இறைதூதர் ஷுஐப்(அலை) அவர்கள் சொன்னார்கள்

என் சமுதாயமே! அல்லாஹ்வை மட்டும் வணங்குங்கள்! இறுதி நாளை நம்புங்கள்! பூமியில் குழ்ப்பம் விளைவித்து திரீயாதீர்கள்! என்று சொன்னார்கள்.ஆனால் அதை பொருட்படுத்தாமல் அந்த மக்கள் தமது நிலையை தொடர்ந்தர்கள்.நிலை பூகம்பம் என்கின்ற அழிவால் அழிந்தார்கள்

பார்க்க அல்குர்ஆன்(29:36,37)

2.ஆது,சமுதுவாசிகள்,

நல்வழி என்று தெரிந்தும் வராமல் சைத்தானை பின்பற்றியவர்கள்.

பார்க்க அல்குர்ஆன்(29:38)

3.காருன்,ஃபிர்அவ்ன்,ஹாமான் போன்றோர்

பெரும் செல்வம் கொடுக்க பட்ட ஆட்சியதிகாரம் கொடுக்க பட்ட இவர்கள் இதனால் பூமியில் அகந்தை கொண்டார்கள். இதனால் அழிந்தார்கள்.

பார்க்க அல்குர்ஆன்(29:39)

4.லூத்(அலை)நபியின் சமுதாயம்
ஒரினசேர்க்கையில் ஈடுபட்ட காரணத்தினால் அழிக்கப்பட்டனர்.
பார்க்க அல்குர்ஆன்(53:53)

5.இன்னும் எத்தனையோ பேர்கள்.

திருமறை குர்ஆன் பேசுகிறது.

ஒவ்வொருவரையும் அவரவரின் பாவத்துக்காகத் தண்டித்தோம். அவர்களில் சிலர் மீது கல் மழையை அனுப்பினோம். அவர்களில் வேறு சிலரைப் பெரும் சப்தம் தாக்கியது. அவர்களில் சிலரைப் பூமிக்குள் உயிருடன் புதையச் செய்தோம். அவர்களில் சிலரை மூழ்கடித்தோம். அல்லாஹ் அவர்களுக்குத் தீங்கு இழைப்பவனாக இல்லை. மாறாக அவர்கள் தமக்குத் தாமே தீங்கு இழைத்தனர்.(29:40)

4.என்ன? என்ன? காரணங்களுக்காக அழிவுகள் ஏற்படும்.

ஏழு பெரும் பாவங்களைத் தவிருங்கள்

புகாரி 2766. அபூ ஹுரைரா(ரலி) அறிவித்தார்.
"அழித்தொழிக்கும் ஏழு பெரும் பாவங்களைத் தவிருங்கள்' என்று இறைத்தூதர்(ஸல்) அவர்கள் கூறினார்கள். மக்கள், 'இறைத்தூதர் அவர்களே! அவை எவை?' என்று கேட்டார்கள். நபி(ஸல்) அவர்கள், 'அல்லாஹ்வுக்கு இணை கற்பிப்பதும், சூனியம் செய்வதும், நியாயமின்றி கொல்லக் கூடாது என்று அல்லாஹ் புனிதப்படுத்தியுள்ள உயிரைக் கொல்வதும், வட்டி உண்பதும், அனாதைகளின் செல்வத்தை உண்பதும், போரின்போது புறமுதுகிட்டு ஓடுவதும் அப்பாவிகளான, இறைநம்பிக்கை கொண்ட, கற்புள்ள பெண்களின் மீது அவதூறு கூறுவதும் தான் (அந்தப் பெரும் பாவங்கள்)" என்று (பதில்) கூறினார்கள்.

அழிவை தரும் ஏழு பெரும் பாவங்கள்

1.அல்லாஹ்விற்க்கு இணை கற்பித்தல்

2.சூனியம் செய்வது

3.நியாயமின்றி கொலை செய்வது

4.வட்டி உண்பது

5.அனாதை செல்வதை உண்பது

6.போரில் புறமுதுகிட்டு ஒடுவது

7.கற்புள்ள பெண்கள் மீது அவதூறு கூறுவது

5.அழிவுகளில் இருந்து நம்மை காக்க...

மேலே கூறப்பட்ட பாவங்கள் நம்மை நெருங்காமல் பார்த்து கொள்ள வேண்டும்.
இது போக இன்னும் சில காரண்ங்களுக்காக அல்லாஹ் அழித்துள்ளான்.
எடை மோசடி,ஒரின சேர்க்கை, etc.....

ஆக, எது தவறோ அதை செய்யாமல் இருந்தால் பாதுகாப்பு பெறலாம்.
மாறாக தவறான வழியில் கோடி கோடியாக சம்பாதித்தாலும் ஒரு நாள் நம் வாழ்வில் அழிவை சந்தித்தால்....அனைத்தையும் இழந்து ஆரம்பித்த இடத்திலே வந்து நிற்ப்போம்.அல்லாஹ் நம்மை காப்பாற்றுவானாக!!!!

6.இந்த அழிவுகள் குறித்து நான் சொல்ல காரணம்...

திருமறை குர்ஆன் பேசுகிறது.

இந்த முன்னுதாரணங்களை மக்களுக்காகக் கூறுகிறோம். அறிவுடையோரைத் தவிர மற்றவர்கள் இதை விளங்க மாட்டார்கள்.(29:43)

திருமறை குர்ஆன் பேசுகிறது.

وَإِذَ قَالَتْ أُمَّةٌ مِّنْهُمْ لِمَ تَعِظُونَ قَوْمًا اللّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُواْ مَعْذِرَةً إِلَى رَبِّكُمْ وَلَعَلَّهُمْ يَتَّقُونَ -164,

அல்லாஹ் அழிக்க போகின்ற அல்லது கடுமையாகத் தண்டிக்கப் போகின்ற கூட்ட்த்திற்க்கு ஏன் அறிவுரை கூறுகிறீர்கள்?”என்று அவர்களில் ஒரு சாரார் கூறினர்.அதற்க்கவர்கள் ”உங்கள் இறைவனிடமிருந்து (விசாரனையின் போது) தப்பிப்பதற்க்காகவும் அவர்கள் இறைவனை அஞ்சுவோராக ஆவதற்காகவும்(அவர்களூக்கு அறிவுரை கூறுகிறோம்)”எனக் கூறினர்.(அல்குர்ஆன்-7:164)

புகாரி2686. இறைத்தூதர்(ஸல்) அவர்கள் கூறினார்கள்:
அல்லாஹ்வின் சட்டங்களில்விட்டுக் கொடுப்பவரும், அதை மீறுபவருக்கும் உதாரணம் ஒரு கூட்டத்தாரின் நிலையாகும். அவர்கள் ஒரு கப்பலில் இடம் பிடிப்பதற்காக சீட்டுக் குலுக்கிப் போட்டார்கள். அவர்களில் சிலருக்குக் கப்பலின் கீழ்த் தளத்திலும் சிலருக்குக் கப்பலின் மேல் தளத்திலும் இடம் கிடைத்தது. கப்பலின் கீழ்த் தளத்தில் இருந்தவர்கள் தண்ணீரை எடுத்துக் கொண்டு மேல் தளத்தில் இருந்தவர்கள் தண்ணீரை எடுத்துக் கொண்டு மேல் தளத்தில் இருந்தவர்களைக் கடந்து சென்று கொண்டிருந்தார்கள். அதனால் மேல் தளத்திலிருந்தவர்கள் துன்பமடைந்தார்கள். எனவே, கீழ்த் தளத்தில் இருந்த ஒருவன் ஒரு கோடரியை எடுத்து, கப்பலின் கீழ்த் தளத்தைத் துளையிடத் தொடங்கினான். மேல் தளத்திலிருந்தவர்கள் அவனிடம் வந்து, 'உனக்கு என்ன நேர்ந்தது?' என்று கேட்டார்கள். அவன், 'நீங்கள் என்னால் துன்பத்திற்குள்ளானீர்கள். எனக்குத் தண்ணீர் அவசியம் தேவைப்படுகிறது. (அதனால், கப்பலின் கீழ்த்தளத்தில் துளையிட்டு அதில் வரும் தண்ணீரைப் பயன்படுத்தித் கொள்வேன்)" என்று கூறினான். (துளையிடவிடாமல்) அவனுடைய இரண்டு கைகளையும் அவர்கள் பிடித்தால் அவர்கள் அவனையும் காப்பாற்றுவார்கள்; தங்களையும் காப்பறிக் கொள்வார்கள். அவனை அவர்கள் (கப்பலில் துளையிட)விட்டுவிட்டால் அவனையும் அழித்து விடுவார்கள்; தங்களையும் அழித்துக் கொள்வார்கள்.
என நுஃமான் இப்னு பஷீர்(ரலி) அறிவித்தார்.

உங்கள் மேலான ஆலோசனைகளை எதிர்பார்க்கும் உங்கள் சகோதரன்

=S.ஷாஹிது ஒலி=unnmaygal.blogspot.com

பேரழிவுகள் தரும் தெளிவுகள்-பாகம் 01

2012-01-17T01:19:00.001+05:30

இறைவனின் திருப்பெயரால்..

சமீப காலமாக அதிக அளவில் பேரழிவுகள் நடைப்பெற்று கொண்டிருக்கிற்து.அதில் அதிக அளவில் உயிர் சேதமும் பொருள் சேதமும் ஏற்பட்டு மக்கள் தங்கள் வாழ்நாளில் குருவி சேர்த்தது போல் சேர்த்த தங்கள் உடைமைகளை இழந்து நிற்க கூடியதை பார்க்கிறோம்.

சமீபத்தில் ஏற்ப்பட்ட ஒரு சில அழிவுகள் சொல்ல வேண்டும் என்றால்...

1.தமிழகத்தின் கடலூர் மற்றும் புதுச்சேரி யூனியன் பிரதேசம் அருகே கரையைக் கடந்த 'தானே' புயலில் சிக்கி 18 பேர் உயிரிழந்துள்ளனர், ஏராளமான பொருட்சேதம் ஏற்பட்டுள்ளது.

மணிக்கு நூற்று நாற்பது கிலோமீட்டர் வேகத்துடனான சூறைக்காற்றுடனும் மிகக் கடுமையான அடைமழையுடனும் தானே புயல் வெள்ளியன்று அதிகாலை கரையைக் கடந்துள்ளது.

மீனவர்கள் கடலுக்குள் செல்ல வேண்டாம் என எச்சரிக்கப்பட்டுள்ளது.

பார்க்க

2.திருப்பூரில் வரலாறு காணாத வெள்ளம் - குடிசைகள் மூழ்கின; 10 பேர் பலி ? ;20 பேர் மாயம்

திருப்பூரில் இது வரை இல்லாத அளவிற்குள் நொய்யலாற்றில் வெள்ளம் கரை புரண்டு ஓடியது. இதில் 100 க்கும் மேற்பட்ட குடிசை வீடுகள் தண்ணீரில் மூழ்கின, பல வீடுகள் தண்ணீரில் இழுத்து செல்லப்பட்டன. வெள்ள நீரில் சிக்கிய 20க்கும் மேற்பட்டோர் மாயமானதாக அஞ்சப்படுகிறது. தற்போதைய நிலவரப்படி குழந்தைகள், பெண்கள் உள்பட 3 பேர் உடல்களை தீயணைப்பு படையினர் மீட்டுள்ளனர். மேலும் உடல்களை தேடும் பணி நடந்து வருகிறது.

பார்க்க-தினமலர்

மேலும் பார்க்க இங்கே கிளிக் பன்னவும்.

3.கொல்கத்தா மருத்துவமனை தீ - BBC

இந்தியாவில் மேற்கு வங்க மாநில தலைநகர்கொல்கத்தாவில் உள்ள ஒரு தனியார் மருத்துவமனையில் ஏற்பட்ட தீ விபத்தில் 89 பேர் ...

பார்க்க

4.சுனாமி

5.பூகம்பம்

6.இன்னும் எத்தனையோ அழிவுகள்

இதுபோன்ற் அழிவுகளை பார்க்கும் போது சிலர் கடவுளை திட்டகூடிய நிலையையும் சிலர் கலிகாலம் என்று ஒதுங்க`நிலையையும் சிலர் இந்த மாதிரி நிகழ்வுகள் எனக்கு எற்பட கூடாது என்று இறைவனிடம் பிராத்திக்க கூடியதையும் பார்க்கலாம்.

இந்த அழிவுகள் எதற்காக நடைப்பெறுகிறது?
இந்த அழிவுகள் மூலமாக இறைவன் என்ன மக்களுக்கு சொல்கிறார்?
பேரழிவுகள் தரும் படிப்பினை என்ன?

என்பதை இஸ்லாமிய கண்ணோட்டத்தில் இந்த கட்டுரையில் பார்ப்போம்..(இன்ஷா அல்லாஹ்)

1.எதற்காக பெரும் அழிவுகள் நிகழ்கிறது...

எந்த அழிவுகள் நேர்ந்தாலும் அதற்க்கு இரண்டு காரணங்கள் இருப்பதாக திருமறையில் இறைவன் கூறுகிறான்.

ஒன்று அந்த அழிவுகள் முலமாக நாம் திருந்த வேண்டும்.நம்மிடம் உள்ள தவறுகளை மற்றிக்கொள்ள வேண்டும்.

மற்றொன்று இறைவனின் தெளிவான சான்றுகளை கண்டும் நம்மிடம் உள்ள தீமைகளை தொடர்ந்து செய்து இறைவனின் கோபத்திற்க்கு ஆளாவது.

முதலாவது காரணம் குறித்து

இறைவனின் வார்த்தை திருமறை திருக்குர்ஆனில்....

وَلَقَدْ أَهْلَكْنَا مَا حَوْلَكُم مِّنَ الْقُرَى وَصَرَّفْنَا الْآيَاتِ لَعَلَّهُمْ يَرْجِعُونَ -27,

உங்களைச் சுற்றி பல ஊர்களை அழித்துள்ளோம்.இவர்கள் திருந்துவதற்காக சான்றுகளைத் தெளிவுபடுத்துகிறோம்.(அல்குர்ஆன்-46:27)

இரண்டாவது காரணம் குறித்து

இறைவனின் வார்த்தை திருமறை திருக்குர்ஆனில்....

وَلَقَدْ أَهْلَكْنَا الْقُرُونَ مِن قَبْلِكُمْ لَمَّا ظَلَمُواْ وَجَاءتْهُمْ رُسُلُهُم بِالْبَيِّنَاتِ وَمَا كَانُواْ لِيُؤْمِنُواْ كَذَلِكَ نَجْزِي الْقَوْمَ الْمُجْرِمِينَ -13,

உங்களூக்கு முன் அநீதி இழைத்த பல தலைமுறையினரை அழித்திருக்கிறோம்.அவர்களிடம் அவர்களின் தூதர்கள் தெளிவான சான்றுகளைக் கொண்டு வந்தனர்.அவர்கள் நம்பிக்கை கொள்வோராக இருக்கவில்லை.குற்றம் புரியும் கூட்ட்த்தை இவ்வாறே தண்டிப்போம்.(அல்குர்ஆன்-10:13)

மேலும், இறைவனின் வார்த்தை திருமறை திருக்குர்ஆனில்....

أَفَلَمْ يَهْدِ لَهُمْ كَمْ أَهْلَكْنَا قَبْلَهُم مِّنَ الْقُرُونِ يَمْشُونَ فِي مَسَاكِنِهِمْ إِنَّ فِي ذَلِكَ لَآيَاتٍ لِّأُوْلِي النُّهَى -128,

அவர்களூக்கு முன்னர் எத்தனையோ தலைமுறையினரை அழித்துள்ளோம் என்பது அவர்களூக்கு நேர்வழியைக் காட்டவில்லையா? அவர்கள் குடியிருந்த இடங்களில் இவர்கள் நடக்கின்றனர்.அறிவுடையோருக்கு இதில் பல சான்றுகள் உள்ளன.(அல்குர்ஆன்-20:128)

இன்றைக்கு ஏற்பட கூடிய இந்த அழிவுகளை நாம் காணும் போது நமது தவறுகளை திருத்திக்கொள்ள வேண்டும் என்று இறைமறை பேசுகிறது.

இந்த கட்டுரையின் தொடர்ச்சி.......

1.எப்போது அழிவுகள் எற்படும்,2.எதற்க்காக எற்படும்,3.அழிவுகளில் இருந்து நம்மை காக்க,, இறைவன் நாடினால்.....நாளை.மறுநாள்.....

தொகுப்பு S.ஷாஹிது ஒலி=unnmaygal.blogspot.com

அரசு மருத்துவமனை சேவையும் தரங்கெட்ட பேச்சுக்களும்....

2012-01-15T14:32:00.000+05:30

ஏக இறைவனின் திருப்பெயரால்...

எல்லா புகழும் இறைவன் ஒருவனுக்கே...அந்த தூயவனின் சாந்தியும் சமாதானமும் என்றென்றும் நம் அனைவரின் மீதும் நின்றுநிலவட்டுமாக....

திருப்பூர் மாவட்ட தலைமை அரசு மருத்துவமனையில் நடக்கும் நோயாளிகளுக்கு இழைக்கப்படும் அநிதீகள்.

மருத்துவ சேவையில் தன்னை இணைத்தவர்களை யாரும் தாக்கி விடக்கூடாது என்பற்காக தமிழ்நாடு அரசு ஒரு ஆணை பிறப்பித்தது.

எந்த ஒரு தனி நபரோ அல்லது கூட்டகாவோ அல்லது அமைப்பு மூலமாகவோ மருத்துவரின் மீதோ அல்லது மருத்துவமனையின் மீதோ வன்முறையில் ஈடுபட்டால் அல்லது மருத்துவ உழியர்களை தாக்கினால் ஜாமீனில் வெளியே வர முடியாத அடிப்பையில் குறைந்தபட்சம் 3 ஆண்டுகளும் அதிகபட்சம் 10 ஆண்டுகளும் சிறை தண்டனை வழங்கப்படும் என்று
இது வரவேற்க தக்க ஆணை தான்

ஆனால் இதனை மருத்துவமனையில் எழுதி மாட்டி வைத்து விட்டு

எங்களை உங்களால் தொடக்கூட முடியாது.என்று தெனாவட்டாக மக்கள் நலனில் அக்கறையை இல்லாமல் மக்களை அலட்சியமாக நடத்தக்கூடிய நிலை திருப்பூர் மாவட்ட தலைமை அரசு மருத்துவமனையில் நிலவுகிறது.

மருத்துவ பணி என்பது வெறும் பணம் சம்பாதிக்கும் மற்ற தொழில் போல இதுவும் ஒரு தொழில் கிடையாது.

அதனால் தான் இதை ஒரு சேவை என்று அனைவரும் குறிப்பிடக்கூடியத்தை பார்க்கலாம்.

இப்படி ஒரு சேவையில் தன்னை இணைத்துக்கொண்ட மருத்துவ உழியர்கள் இந்த பணியை ஒரு சேவையாக செய்யாமல் பணத்திற்காக தரங்கெட்டு போய் சீப்பாக நடக்க கூடியதை கண் கூடாக பார்க்கலாம் (அனைவரையும் குறிப்பிடவில்லை இந்த பணியை சேவையாக செய்யக்கூடியர்களும் இருக்கிறார்கள்.)

மக்களின் கரங்களை கட்டிப்போட்டு விட்டு அவர்களை அதிகமாக கஷ்டப்படுத்தும் மருத்துவ உழியர்களுக்கு அரசு என்ன சட்டம் போடும்.

ஆண் குழந்தை பிறந்தால் ஆயிரம் ரூபாயும் பெண் குழந்தை பிறந்தால் ஐநூறு ரூபாயும் லஞ்சமாக பணிப்பெண்களுக்கு கண்டிப்பாக கொடுக்க வேண்டும்.

மேலும் அங்கே சிகிச்சைக்காக வரும் நோயாளிகளை தரக்குறைவாக திட்டுவது,தரக்குறைவாகநடந்து கொள்வது.

ஒரு பெண் பிரசவத்திற்கு செல்லும் போது அழுகிறார்.அவரது கணவர் கேட்கிறார் ஏன் அழுகிறாய் பிரசவ வலியை நினைத்தா? அதற்க்கு அந்த பெண் சொல்கிறார் "அதற்காக இல்லை அந்த வழியை தாங்கி கொள்வேன் ஆனால் உள்ளே சென்றால் அவர்கள் திட்டுவதை என்னால் தாங்கி கொள்ள முடியாது.என்று கண்ணீருடன்.

இந்த கட்டுரையை மிகை படுத்துவதற்காக சொல்ல வில்லை அனைத்தும் உண்மை கண்கூடாக பார்த்து எழுதப்படுகிறது.

நான்கு நாள்களுக்கு முன்பாக அங்கே அனுமதிக்க பட்ட ஒரு வாய் பேச முடியாத ஒரு பெண்மணி பிரசவ நேரம் நெருங்கிவிட்ட காரணத்திற்காக

அரசு மருத்துவனைக்கு வந்தார்.அவருக்கு சுகர் உள்ள காரணத்தால் பெட்டில் அனுமதிக்கப்பட்டார்.

கடந்த 29 நாட்களாக அங்கே உள்ளார் இந்த நிலையில் தினந்தோறும் அவரை திட்டுவது இவ எப்போ தான் போவாளோ? இங்கே வந்து படுத்துக்கிட்டு எங்கே உயிரை வாங்குற? என்று பணிப்பெண்களும்

இது இன்னும் போகலையா?இங்கேயே கிடக்கிற?என்று டாக்டரும் சொன்னதை அந்த பெண்மணியால் பொறுத்துக்கொள்ள முடியாமல் அழுததை அங்கே பரிசோதனைக்கு சென்ற நான் பார்த்தேன்.

அதன் விளைவு தான் இந்த கட்டுரை.

வாய் இல்லாத பெண் என்று பார்க்காமல் ஆடு மாடு விரட்டுவதை போல் விரட்டக்கூடியவர்களுக்கு மனசாட்சி என்பதே இல்லையா?

உங்களை நாடி வரக்கூடியவர்கள்.

அரசு மருத்துவமனைக்கு சிகிச்சைக்கு வருபவர்கள் பெரும் பெரும் பணக்காரர்கள் கிடையாது.தனியார் மருத்துவமனையில் சென்று சிகிச்சை பெறுவதற்கு வசதியில்லாமல் எங்களுக்கு அரசாங்கம் இருக்கிறது எங்களுக்கு சிகிச்சை அளிக்கும் என்ற நம்பிக்கையில் வரும் பாமர மக்கள் தான்.

சிகிச்சையில் குறைபாடு என்றால் பொறுத்து கொள்ளலாம் ஆனால் தவறான பேசுக்கள் சொல்வதற்கே வாய் கூசும் வசை சொற்கள்

இஸ்லாமிய மார்க்கம் மருத்துவ சேவை குறித்து சொல்ல கூடியது.

'கொலைக்குப் பதிலாகவோ, பூமியில் செய்யும் குழப்பத்திற்குப் பதிலாகவோ இல்லாமல் ஒருவர், மற்றொருவரைக் கொலை செய்தால் அவர் எல்லா மனிதர்களையும் கொலை செய்தவர் போலாவார்' என்றும், 'ஒரு மனிதனை வாழ வைத்தவர் எல்லா மனிதர்களையும் வாழ வைத்தவர் போலாவார்' (அல் குர் ஆன்-5:32)

அதன் அடிப்படையில் இஸ்லாமிய அமைப்புக்கள் போட்டி போட்டுக்கொண்டு இலவச மருத்துவ முகாம்கள் இரத்த தான முகாம்கள் நடத்திக்கொண்டு உள்ளன.

உதரனத்திற்க்கு....

TNTJ என்ற இஸ்லாமிய அமைப்பு பல ஆண்டுகளாக இரத்த தான சேவையில் தமிழகத்திலேயே முதலிடம் வகிக்கிறது.

இஸ்லாமிய அமைப்புகள் இரத்த தான சேவை GOOGLE searce

இப்படி பட்ட சமுதாய மக்கள் சிகிச்சைக்காக சென்றால் ....

ஒரு இஸ்லாமிய பெண்மணி அவர் பிரசவ பரிசோதனைக்காக சென்று இருந்த போது புர்கா அணிந்து இருந்தார்.அதை கழட்ட சொன்ன உடன் கழட்டி விட்டு தலையில் ஷால் (முக்காடு )அணிந்த நிலையில் உள்ளே போனார் அதற்க்கு அவர்கள் சொல்ல கூடிய வார்த்தை "இங்கே வந்தால் எல்லாத்தையும் காட்டனும் என்று ஆகிவிட்டது அப்புறம் எதற்கு முக்காடு ".

இன்னும் எத்தனையோ சம்பவங்கள் சொல்லலாம்....

எழுத கூச கூடிய சொற்களை சர்வ சாதாரணமாக சேவை பணியில் உள்ளவர்கள் பேசுவதை பார்த்தல் ....????

மக்கள் உணர்சிக்கு அடிமையாவதற்கு முன்பு !!!!

அரசாங்கம் இதற்க்கு எதாவது நடவடிக்கை எடுக்க வேண்டும்

அன்பிற்கினிய மருத்துவ உழியர்களே சற்று`சிந்தித்து பாருங்கள்...

உங்களை நாடி வர கூடிய பாமர மக்கள் உயர் தர சிகிச்சைக்கு செல்ல வழி இல்லாதவர்கள். உங்களை நம்பி வரக்கூடியவர்களை நம்பிக்கை மோசடி செய்யாதீர்கள்.

திருப்பூர் மாவட்ட தலைமை அரசு மருத்துவமனையில் நடக்கும் நோயாளிகளுக்கு இழைக்கப்படும் அநிதீகள் கண்கூடாக பார்த்த நான் அரசாங்கத்தின் பார்வைக்கு கொண்டு செல்வதற்காக எழுதும் கட்டுரை.

எனது அருமை தோழர்களே... இந்த கட்டுரையை உங்கள் நண்பர்களுக்கு SHARE பண்ணுங்கள்.

இதுவரை?? இனி!!!

2011-12-25T22:29:00.000+05:30

அன்பிற்கினிய சகோதர,சகோதரிகளே....

எல்லாம் வல்ல ஏக இறைவனின் சாந்தியும் சமாதானமும் என்றென்றும் நம் அனைவரின் மீதும் நிலவட்டுமாக!

இதுவரை??

பதியுலகத்துக்கு புதியவனாக பிறந்து., எனது பதியுலக சகோதரர்களின் வழிகாட்டுதலில் தவழ்ந்து எனது தோழர்களின் உதவியோடு தத்தி தத்தி நடை பழகி கொண்டு இருக்கும் இந்த தருணத்தில்...

இறைவன் நாடினால்..

தானாக நடை போடலாம் என்று உள்ளேன்.(அதாவது இதுவரை பிறருடைய பதிவுகளை [அவர்களின் பெயரோடும் ,இனைய முவரியுடன் தான்] வெளிஇட்டுக்கொண்டு இருந்த நான் இனிமேல் தானாகவே பதிவு எழுதலாம் என்று முடிவு பண்ணி உள்ளேன் )

இனி!!!

இதுவரை நீங்கள் நான் தத்தி தத்தி நடை பழகும் போது எவ்வாறு உறுதுணையாக இருந்திர்களோ (comments முலமாக )அது போல் இனிமேலும் எனக்கு உறுதுணையாக இருந்து (comments முலமாக, ) ஊக்கப்படுத்துவிர்களா என்று அன்போடு கேட்டு கொள்கிறேன்.

இதுவரை பார்வையிட்ட, கருத்துக்களை பதிவு செய்த,நல உள்ளங்களுக்கு எனது நெஞ்சார்ந்த நன்றிகளை தெரிவித்துக்கொள்கிறேன்.

தொடர்ந்து பார்வையிடும் அனைத்து சகோதர,சகோதரிகளுக்கும் என் நன்றிகள்!!!!

எல்லாம் வல்ல ஏக இறைவன் உங்கள் அனைவருக்கும் எல்லா வளமும் தருவானாக!!!

இஸ்லாம் கூறும் சிரிப்பின் ஒழுங்குகள்

2011-11-05T23:34:00.002+05:30

ஏக இறைவனின் திருப்பெயரால்...

உங்கள் மீது இறைவனின் சாந்தியும் சமாதானமும் உண்டாக்குவனாக..

இஸ்லாம் கூறும் சிரிப்பின் ஒழுங்குகள்

மனிதனுக்குள் இறைவன் ஏற்படுத்தியுள்ள பண்புகளில் சிரிப்பு என்பது மிக முக்கியமான ஒன்று. இரக்கம், கோபம், வெட்கம், பயம் போன்ற எத்தனையோ குணங்கள், மனிதன் குறிப்பிட்ட பருவத்தை அடைந்த பிறகு தான் தோன்றுகின்றன. ஆனால் சிரிப்பைப் பொறுத்த வரை மனிதன் பிறந்த உடனே இத்தன்மை குழந்தைக்குத் தொற்றிக் கொள்கிறது. பிறத்தல், மரணித்தல், அழுதல் போன்ற பண்புகள் இயற்கையாகவே மனிதனிடத்தில் குடி கொண்டிருப்பதைப் போல் சிரிப்பும் மனிதனுடன் பின்னிப் பிணைந்துள்ளது.

இந்தத் தன்மையை இறைவன் மனிதனுக்கு மாத்திரம் பிரத்யேகமாக வழங்கியுள்ளான். மனிதனைத் தவிர்த்து ஆடு, மாடு, யானை, பூனை போன்ற ஏனைய உயிரினங்கள் சிரித்து நாம் பார்த்ததில்லை. எனவே தான் மனிதனுக்கு வரைவிலக்கணம் சொல்லும் போது, சிரிக்கும் உயிரினம் என்று விளக்கம் கொடுப்பார்கள்.

வாழ்வில் சிரமங்களையும் துயரங்களையும் சந்திக்கும் மனிதன் சிரிப்பின் மூலம் இவற்றை எளிதில் மறந்து விடுகிறான். அவனது மனதிற்கு சிரிப்பு, பிணி நீக்கும் 'சிரப்'பாகத் திகழ்கிறது. எப்போதும் மகிழ்ச்சியாக சிரித்துக் கொண்டே இருப்பவர்கள், செல்லும் இடமெல்லாம் நண்பர்களையும் அன்பர்களையும் சம்பாதித்துக் கொள்கிறார்கள்.

இவர்களுடைய மகிழ்ச்சி இவர்களோடு மாத்திரம் நின்று விடாமல் பிறரையும் மகிழ்விக்க உதவுவதால் இவர்களைக் கண்டாலே மக்களுக்குக் குதூகலம் வந்து விடுகிறது. ஏனென்றால் சிரிப்பு என்பது ஒரு தொற்று நோயைப் போன்றதாகும். ஒரு சபையே சிரிப்பதற்கு ஒருவரது சிரிப்பு காரணமாகி விடுகிறது.

சிரிப்பு என்பது ஆன்மீகத்திற்கு எதிரி என்று கணிசமான மக்கள் கருதிக் கொண்டிருக்கிறார்கள். முகத்தை உர் என்று வைத்துக் கொண்டு கடவுளுக்குச் செய்ய வேண்டிய கடமைகளை ஒருவர் தொடர்ந்து செய்து வந்தால் அவர் பக்திமான் என்று போற்றப்படுகிறார். மரத்தடியில் வாழும் முனிவர்களும் சிரிக்காத புரோகிதர்களும் ஆன்மீகத்தில் முதிர்ச்சி பெற்றவர்கள் என்று மக்கள் கருதி விடுகின்றனர்.

இவர்கள் சிரிப்பை முழுவதுமாக ஓரங்கட்டி விடுவதினால் ஆன்மீகத்திற்கு எதிராகப் பலர் கிளம்பி விடுகிறார்கள். ஆன்மீகம் என்பது பொய்; வாழ்க்கை என்பது மகிழ்வதற்காகத் தான் எனவே எல்லாவற்றிற்கும் ஆசைப்படு என்று புலம்பிக் கொண்டு மனம் போன போக்கில் செல்லக் கூடியவர்களும் உண்டு.

எல்லாப் பிரச்சனைகளையும் நடுநிலையோடு சீர்தூக்கிப் பார்த்து வழிகளைக் காட்டும் நம் இஸ்லாமிய மாôக்கம் நம்முடன் கலந்து விட்ட இந்தச் சிரிப்பைப் பற்றி என்ன கூறுகிறது என்பதை இந்தக் கட்டுரையில் விரிவாகத் தெரிந்து கொள்ள இருக்கிறோம்.

இஸ்லாத்தின் பார்வையில் சிரிப்பு

சிரிக்கும் தன்மையை மனிதனுக்கு இறைவன் தான் ஏற்படுத்தினான் என்று திருக்குர்ஆன் கூறுகிறது. சிரிப்பது ஒரு மோசமான செயல் என்றால் அத்தன்மையை ஏற்படுத்தியவன் நான் தான் என்று இறைவன் தன்னை புகழ்ந்து கூறியிருக்க மாட்டான்.

அவனே சிரிக்க வைக்கிறான். அழவும் வைக்கிறான். அவனே மரணிக்கச் செய்கிறான். உயிர்ப்பிக்கவும் செய்கிறான். அல்குர்ஆன் 53:43

மறுமை நாளில் நல்லவர்களுக்கு இறைவன் அளிக்கும் பாக்கியங்களில் ஒன்று சிரிப்பாகும். அந்நாளில் கெட்டவர்களின் முகங்கள் கடுகடுவென சுருங்கிய நிலையில் இருக்கும். இவர்களுக்குச் சிரிப்பு என்ற பாக்கியத்தை இறைவன் தடுத்து விட்டான். சொர்க்கவாசிகள் சுவனத்தில் அடையும் இந்த இன்பத்தை இந்த உலகத்தில் நாம் ஏன் தவற விட வேண்டும்?

அந்நாளில் சில முகங்கள் ஒளி வீசும். மகிழ்ச்சியுடன் சிரித்துக் கொண்டிருக்கும் அந்நாளில் சில முகங்கள் மீது புழுதி படிந்திருக்கும். அதைக் கருமை மூடியிருக்கும். அவர்களே (ஏக இறைவனை) மறுப்போரான பாவிகள். அல்குர்ஆன் 80:32

அந்நாளில் சில முகங்கள் மலர்ந்து இருக்கும். தமது இறைவனைப் பார்த்துக் கொண்டிருக்கும். சில முகங்கள் அந்நாளில் சோக மயமாக இருக்கும். தமக்குப் பேராபத்து ஏற்படும் என அவை நினைக்கும். அல்குர்ஆன் 75:22

இறைத் தூதர் சுலைமான் (அலை) அவர்கள், எறும்பு பேசியதைக் கேட்டு சிரித்ததாக குர்ஆன் கூறுகிறது.

அவர்கள் எறும்புப் புற்றின் அருகே வந்த போது ''எறும்புகளே! உங்கள் குடியிருப்புகளுக்குள் நுழையுங்கள்! ஸுலைமானும் அவரது படையினரும் அறியாத நிலையில் உங்களை மிதித்து விடக் கூடாது'' என்று ஓர் எறும்பு கூறியது.

அதன் கூற்றினால் (ஸுலைமான்) புன்னகை சிந்தி சிரித்தார். ''என் இறைவா! என் மீதும், எனது பெற்றோர் மீதும் நீ செய்த அருட்கொடைக்கு நான் நன்றி செலுத்தவும், நீ திருப்தியடையும் நல்லறத்தைச் செய்யவும் எனக்கு உதவுவாயாக! உனது நல்லடியார்களில் என்னையும் உனது அருளால் சேர்ப்பாயாக!'' என்றார். அல்குர்ஆன் 27:18

பிறரைச் சந்திக்கும் போது மலர்ந்த முகத்துடன் இருப்பதும் நல்ல காரியம் என்று நபி (ஸல்) அவர்கள் கூறினார்கள்.

அல்லாஹ்வின் தூதர் (ஸல்) அவர்கள் கூறினார்கள்: உனது சகோதரனை மலர்ந்த முகத்துடன் நீ சந்திப்பது உட்பட எந்த ஒரு நல்ல காரியத்தையும் அற்பமாக நினைத்து விடாதே! அறிவிப்பவர்: அபூதர் (ரலி) நூல்: முஸ்லிம் 4760

சிரிப்பு ஆன்மீகத்திற்கு எதிரல்ல!

இஸ்லாமிய மார்க்கத்தைக் கடைப்பிடிப்பதிலும் இறைவனுக்குப் பயந்து நடப்பதிலும் நபி (ஸல்) அவர்களை யாராலும் மிஞ்சி விட முடியாது. உன்னதமான ஆன்மீகத் தலைவராகத் திகழ்ந்த நபி (ஸல்) அவர்கள் சிரித்த முகத்துடனே வாழ்க்கையைக் கழித்திருக்கிறார்கள். முழு மனிதத் தன்மையை அடையாதவர்கள் தான் சிரிக்க மாட்டார்கள். பிறரிடம் சிரித்து மகிழ்ந்து பேசாதவன் மனிதத் தன்மையிலும் ஆன்மீகத்திலும் முழுமையடையவில்லை என்பதே உண்மை.

நான் இஸ்லாத்தைத் தழுவிய நாளிருந்து அல்லாஹ்வின் தூதர் (ஸல்) அவர்கள் என்னை விட்டு மறைந்து (மறுபடியும்) என்னைக் கண்டால் அவர்கள் சிரிக்காமல் இருந்ததில்லை. அறிவிப்பவர்: ஜரீர் பின் அப்தில்லாஹ் (ரலி) நூல்: முஸ்லிம் 4522

நபி (ஸல்) அவர்களின் காலத்தில் அப்துல்லாஹ் என்ற நபித்தோழர் நபியவர்களுக்கு சிரிப்பூட்டிக் கொண்டே இருந்துள்ளார். சிரிப்பூட்டியதற்காக இவரை நபி (ஸல்) அவர்கள் கண்டிக்கவில்லை.

அல்லாஹ்வின் தூதர் (ஸல்) அவர்களின் காலத்தில் அப்துல்லாஹ் என்றொருவர் இருந்தார். அவர் கழுதை என்ற புனைப் பெயரால் அழைக்கப்பட்டார். அவர் அல்லாஹ்வின் தூதர் (ஸல்) அவர்களை சிரிக்க வைப்பார். அறிவிப்பவர்: உமர் (ரலி) நூல்: புகாரி 6780

பள்ளிவாசல் நபித்தோழர்கள் சிரித்துக் கொண்டு இருந்திருக்கிறார்கள். இவர்களுடன் சோந்து நபி (ஸல்) அவர்களும் சிரிப்பார்களாம்.

சிமாக் பின் ஹர்ப் அவர்கள் கூறியதாவது: நான் ஜாபிர் பின் சமுரா (ரலி) அவர்களிடம், ''நீங்கள் அல்லாஹ்வின் தூதர் (ஸல்) அவர்களின் அவையில் அமர்ந்திருக்கிறீர்களா?'' என்று கேட்டேன். அதற்கு அவர்கள், ''ஆம்! அதிகமாக (அமர்ந்திருக்கிறேன்). அல்லாஹ்வின் தூதர் (ஸல்) அவர்கள் சூரியன் உதயமாகாத வரை (சுப்ஹுத் தொழுத இடத்திருந்து) எழ மாட்டார்கள். சூரியன் உதயமான பின் (அங்கிருந்து) எழுவார்கள். அப்போது மக்கள் அறியாமைக் காலம் குறித்து பேசிச் சிரித்துக் கொண்டிருப்பார்கள். (இதைக் கேட்டு) அல்லாஹ்வின் தூதர் (ஸல்) அவர்கள் புன்னகைத்துக் கொண்டிருப்பார்கள். அறிவிப்பவர்: சிமாக் பின் ஹர்ப் (ரஹ்) நூல்: முஸ்லிம் 1188

எப்போதும் சொர்க்கத்தையும் நரகத்தையும் நினைத்துக் கொண்டு மறுமை சிந்தனையில் மாத்திரம் தான் இருக்க வேண்டும் என்று ஹன்ளலா (ரலி) அவர்கள் நினைத்தார்கள். ஆனால் அவர்களால் அவ்வாறு இருக்க முடியவில்லை. வீட்டுக்குச் சென்றால் மனைவி மக்களுடன் சந்தோஷமாக மகிழ்ந்து விளையாடுவார்கள். எனவே இதைப் பற்றி அவர்கள் நபி (ஸல்) அவர்களிடம் கேட்ட போது சந்தோஷமாக இருப்பது மனித இயல்பு. இது தவறல்ல என்று நபி (ஸல்) அவர்கள் அறிவுரை கூறினார்கள்.

ஹன்ளலா (ரலி) அவர்கள் நபி (ஸல்) அவர்களுடைய எழுத்தாளர்களில் ஒருவராக இருந்தார்கள். அவர்கள் கூறுகிறார்கள்: அபூபக்கர் (ரலி) அவர்கள் என்னை சந்தித்து, ''ஹன்ளலாவே! நீங்கள் எப்படி இருக்கிறீர்கள்?'' என்று கேட்டார். அதற்கு நான், ''ஹன்ளலா நயவஞ்சகராக ஆகிவிட்டார்'' என்று கூறினேன். அதற்கு அவர்கள், ''அல்லாஹ் தூய்மையானவன். நீங்கள் என்ன சொல்கிறீர்கள்?'' என்று கேட்டார்கள்.

அதற்கு நான், ''நாம் அல்லாஹ்வின் தூதர் (ஸல்) அவர்களிடத்தில் இருக்கும் போது அவர்கள் நமக்குச் சொர்க்கத்தையும் நரகத்தையும் நினைவூட்டுகிறார்கள். எந்த அளவிற்கென்றால் கண்கூடாக (அவற்றை) நாம் காண்பதைப் போல் (மார்க்கச் சிந்தனையில் இருக்கிறோம்). அல்லாஹ்வின் தூதர் (ஸல்) அவர்களிடமிருந்து பிரிந்து வந்து விட்டால் மனைவிமார்களுடனும் குழந்தைகளுடனும் விளையாடுகிறோம். வியாபாரம் போன்ற காரியங்களில் ஈடுபடுகிறோம். அதிகமான (மார்க்க) விசயங்களை மறந்து விடுகிறோம்'' என்று கூறினேன்.

அபூபக்கர் (ரலி) அவர்கள், ''அல்லாஹ்வின் மீது சத்தியமாக! நாமும் இப்படித் தான் இருக்கிறோம்'' என்று கூறினார்கள். ஆகையால் நானும் அபூபக்கர் (ரலி) அவர்களும் அல்லாஹ்வின் தூதர் (ஸல்) அவர்களிடம் வந்தோம். நான், ''அல்லாஹ்வின் தூதரே! ஹன்ளலா நயவஞ்சகனாகி விட்டான்'' என்று கூறினேன். அதற்கு அவர்கள், ''என்ன ஆயிற்று?'' என்று கேட்டார்கள். நான், ''அல்லாஹ்வின் தூதரே! நீங்கள் எங்களுக்குச் சொர்க்கத்தையும் நரகத்தையும் நினைவூட்டும் போது கண்கூடாக (சொர்க்கம் நரகத்தை) காணுவதைப் போன்ற நிலையில் உங்களிடத்தில் இருக்கிறோம். ஆனால் உங்களிடமிருந்து பிரிந்து சென்று விட்டால் மனைவிமக்களுடன் விளையாட ஆரம்பித்துவிடுகிறோம்.

வியாபாரம் போன்ற காரியங்களில் ஈடுபடுகிறோம். அதிகமான (மார்க்க) விசயங்களை மறந்து விடுகிறோம்'' என்று கூறினேன். அதற்கு அல்லாஹ்வின் தூதர் (ஸல்) அவர்கள், ''எனது உயிர் எவனது கைவசம் உள்ளதோ அவன் மீது சத்தியமாக! என்னிடத்தில் நீங்கள் இருப்பதைப் போன்றும், இறை தியானத்திலும் நீங்கள் எப்போதும் திளைத்திருந்தால் வானவர்கள் நீங்கள் உறங்கச் செல்லும் இடங்களிலும் செல்லும் வழிகளிலும் உங்களிடத்தில் கை கொடுப்பார்கள். எனவே ஹன்ளலாவே! சிறிது நேரம் (மார்க்க விசயங்களில் கவனத்தைச் செலுத்துங்கள்) சிறிது நேரம் (மனைவி மக்களுடன் மகிழ்ச்சியாக இருங்கள்)'' என்று மூன்று முறை கூறினார்கள். அறிவிப்பவர்: ஹன்ளலா (ரலி) நூல்: முஸ்லிம் 5305

நபியவர்களை சிரிக்க வைத்த பல நிகழ்வுகள் அவர்களின் வாழ்க்கையில் நடந்திருக்கிறது. வாய்விட்டு சிரிக்க வேண்டிய இடங்களில் நபி (ஸல்) அவர்கள் வாய்விட்டு சிரித்திருக்கிறார்கள். பின்வரும் சம்பவங்களில் இதை உணர்ந்துகொள்ளலாம்.

ஒரு முறை நபி (ஸல்) அவர்கள் தன்னிடம் கிராமவாசி ஒருவர் அமர்ந்திருக்க பின்வரும் நிகழ்ச்சியை எடுத்துரைத்துக்கொண்டிருந்தார்கள்.

சொர்க்கவாசிகளில் ஒரு மனிதர் தன் இறைவனிடம் விவசாயம் செய்ய அனுமதி கேட்பார். அதற்கு இறைவன் நீ விரும்பிய (இன்பகரமான) நிலையில் (இப்போது) வாழ்ந்துகொண்டிருக்கவில்லையா? என்று கேட்பான். அதற்கு அவர் ஆம் (நான் விரும்பியபடியே இன்பகரமான நிலையில் தான் வாழ்ந்துகொண்டிருக்கிறேன்) ஆனால் நான் நிலத்தை உழுது பயிரிட விரும்புகிறேன் என்று கூறுவார். (இறைவனும் அவருக்கு அனுமதியளிப்பான்) அந்த மனிதர் விதை தூவி விடுவார். கண் இமைக்கும் நேரத்திற்குள் அந்தப் பயிர் வளர்ந்து முதிர்ந்து அறுவடைக்குத் தயாராகிவிடும். மலைகளைப் போல் விளைந்து குவிந்து போய்விடும். அப்போது இறைவன் எடுத்துக்கொள் ஆதமின் மகனே உன்னை எதுவுமே திருப்திப்படுத்தாது என்று கூறுவான்.

(நபி (ஸல்) அவர்களிடமிருந்து இதைச் செவியுற்ற) அந்த கிராமவாசி அல்லாஹ்வின் மீதாணையாக அந்த மனிதர் குரைஷியாகவோ (மக்காவாசியாகவோ) அன்சாரியாகவோ (மதீனாவாசியாகவோ) தான் இருக்க முடியும். அவர்கள் தாம் விவசாயிகள். நாங்களோ விவசாயிகள் அல்லர் என்று கூறினார். இதனைக் கேட்ட நபி (ஸல்) அவர்கள் சிரித்துவிட்டார்கள். அறிவிப்பவர் : அபூஹுரைரா (ரலி) நூல் : புகாரி (2348)

(நரகத்திருந்து வெளியேறி) இறுதியாக சொர்க்கத்தில் நுழையும் ஒரு மனிதர் சில சமயம் நடந்து வருவார். சில சமயம் தவழ்ந்தபடி வருவார். சில சமயம் நரக நெருப்பு அவரது முகத்தை தாக்கி கரித்துவிடும். இந்நிலையில் அவர் நரகத்தைத் தாண்டியதும் அதைத் திரும்பிப் பார்த்து உன்னிடமிருந்து என்னைக் காப்பாற்றிய (என் இறைவன் சுபிட்டமிக்கவன். முன்னோர் பின்னோர் யாருக்கும் வழங்காத (பாக்கியத்)தை அல்லாஹ் எனக்கு வழங்கினான் என்று கூ(றி இறைவனைப் போற்)றுவார்.

அப்போது அவருக்கு ஒரு மரம் காட்டப்படும். உடனே அவர் என் இறைவா அந்த மரத்தின் அருகே என்னை கொண்டு செல்வாயாக. அதன் நிழலை நான் பெற்றுக் கொள்வேன். அதன் (கீழே பாயும்) நீரைப் பருகிக்கொள்வேன் என்று கூறுவார். அதற்கு அல்லாஹ் மனிதா அதை உனக்கு நான் வழங்கினால் வேறொன்றை நீ என்னிடம் கேட்கக்கூடுமல்லவா? என்று கூறுவான். அதற்கு அவர் இல்லை இறைவா வேறெதையும் உன்னிடம் நான் கேட்கமாட்டேன் என்று கூறி வாக்குறுதி அளிப்பார்.

அவரிடம் பொறுமை இல்லை என்பதைக் காணும் அவருடைய இறைவன் அவருக்கு வாய்ப்பளித்து அவரை அந்த மரத்தின் அருகே கொண்டுசெல்வான். அங்கு அவர் அந்த மரத்தின் நிழலைப் பெறுவார். அதன் நீரையும் பருகிக்கொள்வார்.

பிறகு அவருக்கு மற்றொரு மரம் காட்டப்படும். அது முதல் காட்டப்பட்ட மரத்தை விட மிகவும் அழகாய் இருக்கும். (அதைக் கண்ட உடன்) அவர் என் இறைவா இதற்கருகே என்னை கொண்டுசெல்வாயாக. நான் அதன் நீரைப் பருகி அதன் நிழலை அடைந்துகொள்வேன். இதைத் தவிர வேறெதையும் நான் உன்னிடம் கேட்கமாட்டேன் என்று கூறுவார். மனிதா வேறெதையும் கேட்கமாட்டேன் என்று என்னிடம் நீ (முன்பு) வாக்குறுதி அளிக்கவில்லையா? அதன் அருகில் உன்னை நான் கொண்டு சென்றால் வேறொன்றை நீ கேட்ககூடுமல்லவா? என்பான். உடனே அவர் வேறெதையும் கேட்கமாட்டேன் என்று வாக்குறுதி அளிப்பார்.

இறைவனும் அவரிடம் பொறுமை இல்லை என்பதைக் கண்டு வாய்ப்பளித்து அவரை அதன் அருகே கொண்டுசெல்வான். அவர் அதன் நிழலை அனுபவித்துக்கொண்டு அதன் (கீழே ஓடும்) நீரையும் அருந்துவார். பிறகு சொர்க்கவாசல் அருகே உள்ள மரம் அவருக்குக் காட்டப்படும். அது முதரண்டு மரங்களை விடவும் ரம்யமானதாக இருக்கும். உடனே அவர் என் இறைவா அந்த மரத்தின் அருகே என்னை கொண்டுசெல்வாயாக. நான் அதன் நிழலைப் பெறுவேன். அதன் நீரைப் பருகிக்கொள்வேன் என்று கூறுவார்.

இதைத் தவிர வேறெதையும் உன்னிடம் கேட்கமாட்டேன் என்று கூறுவார். அதற்கு இறைவன் மனிதா வேறெதையும் கேட்கமாட்டேன் என்று (முன்பு) என்னிடம் வாக்குறுதி அளிக்கவில்லையா? என்று கேட்பான். ஆம் என் இறைவா இந்தத் தடவை (மட்டும்). இனி இதன்றி வேறெதையும் கேட்கமாட்டேன் என்று கூறுவார். இறைவனும் அவரிடம் பொறுமை இல்லை என்பதைக் கண்டு அவருக்கு வாய்ப்பளித்து அதன் அருகே அவரைக் கொண்டுசெல்வான்.

அவர் அந்த மரத்தை நெருங்கும் போது சொர்க்கவாசிகளின் குரல் அவருக்குக் கேட்கும். உடனே அவர் என் இறைவா சொர்க்கத்திற்குள் என்னை அனுப்புவாயாக என்று கேட்பார். அதற்கு இறைவன் மனிதா ஏன் என்னிடம் கேட்பதை நீ நிறுத்திக்கொண்டாய்? உலகத்தையும் அது போன்று இன்னொன்றையும் நான் உனக்கு வழங்கினால் உனக்கு மகிழ்ச்சி ஏற்படும்தானே? என்று கேட்பான். அதற்கு அவர் என் இறைவா அகிலத்தின் அதிபதியே நீ என்னை பரிகாசம் செய்கிறாயா? என்று கேட்பார்.

(இதை அறிவித்த போது) அப்துல்லாஹ் பின் மஸ்ஊத் (ரலி) அவர்கள் சிரித்தார்கள். பிறகு நான் ஏன் சிரித்தேன் என்று என்னிடம் நீங்கள் கேட்கமாட்டீர்களா? என்று கேட்டார்கள். அப்போது மக்கள் ஏன் சிரிக்கிறீர்கள் என்று கேட்டார்கள். அதற்கு அப்துல்லாஹ் பின் மஸ்ஊத் (ரலி) அவர்கள் இவ்வாறு தான் (இதை அறிவிக்கையில்) அல்லாஹ்வின் தூதர் (ஸல்) அவர்கள் சிரித்தார்கள். அதற்கு நபித்தோழர்கள் ஏன் சிரிக்கிறீர்கள்? அல்லாஹ்வின் தூதரே என்று கேட்டார்கள். அதற்கு அல்லாஹ்வின் தூதர் (ஸல்) அவர்கள் அகிலத்தின் அதிபதியாகிய நீயே என்னைப் பரிகாசம் செய்கிறாயா? என்று அந்த மனிதர் கூறும் போது அதைக் கேட்டு இறைவன் சிரிப்பான். (அதனால் தான் நான் சிரித்தேன்). மேலும் நான் உன்னைப் பரிகாசம் செய்யவில்லை. மாறாக நாடியதைச் செய்கின்ற ஆற்றல் உள்ளவன் நான் என இறைவன் கூறுவான் என்றும் அல்லாஹ்வின் தூதர் (ஸல்) அவர்கள் கூறுவார்கள். அறிவிப்பவர் : அப்துல்லாஹ் பின் மஸ்ஊத் (ரலி) நூல் : முஸ்லிம் (310)

நாங்கள் நபி (ஸல்) அவர்களுடன் அமர்ந்திருந்தபோது அவர்களிடம் ஒரு மனிதர் வந்து அல்லாஹ்வின் தூதரே நான் அழிந்துவிட்டேன் என்றார். நபி (ஸல்) அவர்கள் உமக்கு என்ன நேர்ந்தது? என்று கேட்டார்கள். நான் நோன்புவைத்துக் கொண்டு என் மனைவியுடன் கூடிவிட்டேன் என்று அவர் சொன்னார். நபி (ஸல்) அவர்கள் விடுதலை செய்வதற்கு ஓர் அடிமை உம்மிடம் இருக்கிறாரா? என்று கேட்டார்கள். அவர் இல்லை என்றார். தொடர்ந்து இருமாதம் நோன்பு நோற்க சக்தி இருக்கிறதா? என்று நபி (ஸல்) அவர்கள் கேட்டார்கள். அவர் இல்லை என்றார்.

நபி (ஸல்) அவர்கள் மௌனமாக இருந்தார்கள். நாங்கள் இவ்வாறு இருக்கும் போது நபி (ஸல்) அவர்களிடம் பேரீச்சம் பழம் நிறைந்த (அரக்) என்னும் அளவைக் கொண்டுவரப்பட்டது. அப்போது நபி (ஸல்) அவர்கள் கேள்வி கேட்டவர் எங்கே? என்றார்கள். நான்தான் என்று அவர் கூறினார். இதைப் பெற்று தர்மம் செய்வீராக என்று நபி (ஸல்) அவர்கள் கூறினார்கள். அப்போது அம்மனிதர் அல்லாஹ்வின் தூதரே என்னை விட ஏழையாக இருப்போருக்கா (நான் தர்மம் செய்ய வேண்டும்)? மதீனாவின் (கருங்கற்கள் நிறைந்த) இரண்டு மலைகளுக்கும் இடைப்பட்ட என் பகுதியில் என் குடும்பத்தினரை விடப் பரம ஏழைகள் யாருமில்லை என்று கூறினார். அப்போது நபி (ஸல்) அவர்கள் தமது கடவாய்ப் பற்கள் தெரியும் அளவிற்குச் சிரித்தார்கள். பிறகு இதை உமது குடும்பத்தாருக்கே உண்ணக்கொடுத்து விடுவீராக என்றார்கள். அறிவிப்பவர் : அபூஹுரைரா (ரலி) நூல் : புகாரி (1936)

நகைச்சுவையுடன் நபிகள் நாயகம்

பிறர் நகைச்சுவையுடன் பேசும் போது அதை நபி (ஸல்) அவர்கள் ஆமோதித்து இருக்கிறார்கள். பல நேரங்களில் பிறரிடத்தில் அவர்களும் நகைச்சுவையுடன் பேசியும் இருக்கிறார்கள். பின்வரும் சம்பவங்களிருந்து இதை உணர்ந்துகொள்ளலாம்.

ஒரு மனிதர் நபி (ஸல்) அவர்களிடம் வந்து அல்லாஹ்வின் தூதரே (வாகனத்தில்) என்னை ஏற்றிவிடுங்கள் என்று கூறினார். அதற்கு நபி (ஸல்) அவர்கள் ஒட்டகக் குட்டியின் மீது உம்மை நாம் ஏற்றிவிடுவோம் என்று கூறினார்கள். அம்மனிதர் ஒட்டகக் குட்டியை வைத்து நான் என்ன செய்வேன்? (அதில் பயணிக்க முடியாதே) என்று கேட்டார். அதற்கு நபி (ஸல்) அவர்கள் (எல்லா) ஒட்டகங்களும் தாய் ஒட்டகத்திற்கு குட்டிகளாகத்தானே இருக்கின்றன? என்று கூறினார்கள். அறிவிப்பவர் : அனஸ் (ரலி) நூல் : அபூதாவூத் (4346)

நபி (ஸல்) அவர்கள் உம்மு சுலைம் (ரலி) அவர்களை சந்திப்பவர்களாக இருந்தார்கள். உம்மு சுலைம் (ரலி) அவர்களுக்கு அபூதல்ஹா (ரலி) அவர்களின் மூலமாக ஒரு மகன் இருந்தார். அவர் அபூ உமைர் என்று அழைக்கப்பட்டார். நபி (ஸல்) அவர்கள் அவரிடத்தில் தமாஷ் செய்வார்கள். (ஒரு முறை) நபி (ஸல்) அவர்கள் அபூ உமைரிடம் வந்த போது அபூ உமைர் கவலையுடன் இருப்பதைப் பார்த்து அபூ உமைரை கவலையுடன் பார்க்கிறேனே என்ன ஆயிற்று? என்று கேட்டார்கள். அதற்கு மக்கள் அவர் விளையாடிக்கொண்டிருந்த அவரது குருவி இறந்துவிட்டது என்று சொன்னார்கள். நபி (ஸல்) அவர்கள் (அபூ உமைரிடம்) அபூ உமைரே உனது சின்னக்குருவி என்ன ஆயிற்று? என்று கேட்டார்கள். அறிவிப்பவர் : அனஸ் பின் மாக் (ரலி) நூல் : அஹ்மத் (12389)

அளவுக்கு மிஞ்சினால் அமுதமும் நஞ்சு

சிரிப்பதை அனுமதிக்கும் நம் மார்க்கம் அதை அளவுடன் வைத்துக்கொள்ள வேண்டும் என்று கூறுகிறது. சிரிக்கக்கூடாத இடங்களில் சிரிப்பதை தடைசெய்கிறது. சிரிக்கத் தகுதியற்ற இடங்களில் சிரிப்பது என்பது தேவையற்றது. சிரிப்பு வராவிட்டாலும் ஏதோ ஒரு நோக்கத்திற்காக வேண்டுமேன்றே சிரிப்பதை போல் சிலர் காட்டிக்கொள்கிறார்கள்.

கவலைப்பட வேண்டிய சூழ்நிலையில் நிலமைபுரியாமல் சிரிப்பவர்களும் உண்டு. பொறுத்தமற்ற இந்த சிரிப்புகள் பிறரை மகிழ்விப்பதற்கு பதிலாக கவலையிலும் துக்கத்திலும் ஆழ்த்திவிடும். பிறர் துன்பப்படும் போது அதைப் பார்த்து கேசெய்து சிரித்தால் அதன் மூலம் பலர் பரவசம் அடைந்தாலும் சிலர் புண்படுகிறார்கள். இத்தகைய சிரிப்புகள் அனுமதிக்கப்பட்டவை அல்ல.

நாம் சொல்லும் நகைச்சுவையினால் எப்போது எல்லோரும் மகிழ்கிறார்களோ அப்போதே நாம் சரியான அடிப்படையில் பிறரை சிரிக்கவைத்திருக்கிறோம் என்பதை நாம் மறந்துவிடக்கூடாது. நம் உள்ளத்திற்கு நிம்மதியை ஏற்படுத்துவதற்குப் பதிலாக மனதில் இறுக்கத்தையும் மூளைக்குத் திரையையும் சிரிப்பு ஏற்படுத்திவிடக்கூடாது.

விபத்துக்கள் அழிவுகள் தொடர்பாக செய்திகள் கிடைத்தால் மரணத்திற்கு பயப்பட வேண்டுமேத் தவிர சிரித்து கும்மாளம் அடித்துக்கொண்டிருக்கக்கூடாது. மண்ணறைகளை கடந்து செல்லும் போது மரணபயத்துடன் செல்ல வேண்டும். இடி மின்னல் போன்ற இயற்கை சீற்றங்கள் தலைதூக்கும் போது இறைவனின் பயம் வர வேண்டும்.

ஏனென்றால் மழையின் அறிகுறியாக தோன்றும் இடி பல உயிர்களை கொன்றுவிடுகிறது. தேவைக்கு அதிகமாக மழை பெய்துவிட்டாலும் அதிகமாக உயிர்சேதமும் ஏற்படுகிறது. கட்டிடங்கள் வலுவிழந்து வசிப்பவர்களுக்கு மண்ணறைகளாக மாறிவிடுகின்றது. ஆகையால் தான் நபி (ஸல்) அவர்கள் கடும் காற்றையோ மேகம் திரள்வதையோ கண்டால் படபடப்புடனும் பரபரப்புடனும் காணப்பட்டார்கள்.

மேகத்தையோ அல்லது (சூறாவளிக்) காற்றையோ கண்டால் நபி (ஸல்) அவர்களின் முகத்தில் (ஒருவிதமான கலக்கத்தின்) ரேகை தென்படும். (ஒரு நாள்) நான் அல்லாஹ்வின் தூதரே மக்கள் மேகத்தைக் காணும் போது அது மழை மேகமாக இருக்கலாம் என்றெண்ணி மகிழ்ச்சியடைகின்றனர். ஆனால் தாங்கள் மேகத்தை காணும் போது ஒருவிதமான கலக்கம் தங்கள் முகத்தில் தென்படக்காணுகின்றேனே (ஏன்?) என்று கேட்டேன். அதற்கு அவர்கள் ஆயிஷாவே அதில் (அல்லாஹ்வின்) வேதனை இருக்கலாம் என்பதால் என்னால் கலக்கமடையாமல் இருக்க இயலவில்லை. (ஆத் எனும்) ஒரு சமூகத்தார் (சூறாவளிக்) காற்றினால் வேதனை செய்யப்பட்டனர். (அந்தச்) சமூகத்தார் (மேகமாக வந்த) அந்த வேதனையைப் பார்த்து விட்டு இது நமக்கு மழையை பொழிவிக்கும் மேகம் என்றே கூறினர் என பதிலளித்தார்கள். அறிவிப்பவர் : ஆயிஷா (ரலி) நூல் : புகாரி (4829)

பொய் சொல் சிரிக்கவைக்கக் கூடாது

பிறரை சிரிக்க வைப்பதற்காக நடக்காத நிகழ்வுகளையெல்லாம் நடந்ததாக சொல்வது மார்க்கத்தில் தடைசெய்யப்பட்ட ஒன்று. நான்கு பேர் கூடிவிட்டாலே வாய்க்கு வந்ததையெல்லாம் கூறி சிரித்துக்கொண்டிருக்கும் வழக்கம் ஆண்களிடத்திலும் பெண்களிடத்திலும் அதிகமாக பரவியிருக்கிறது.

சின்னத்திரைகளில் ஒளிபரப்பப்படும் நகைச்சுவை நிகழ்ச்சிகளில் சொல்லப்படும் பெரும்பாலான நகைச்சுவைக் கருத்துக்கள் கற்பனையாக உருவாக்கப்பட்டவை. நகைச்சுவையிலும் உண்மையைத் தான் சொல்ல வேண்டும் என்று மார்க்கம் பணிக்கிறது. சிரிக்க வைப்பதற்காக பொய் சொல்வதை தடைசெய்துள்ளது.

(அல்லாஹ்வின் தூதர் (ஸல்) அவர்களிடத்தில்) மக்கள் அல்லாஹ்வின் தூதரே நீங்கள் எங்களிடத்தில் தமாஷ் செய்கிறீர்களே? என்று கேட்டார்கள். அதற்கு நபி (ஸல்) அவர்கள் நான் உண்மையைத் தவிர வேறெதையும் சொல்லவில்லையே என்று கூறினார்கள். அறிவிப்பவர் : அபூஹுரைரா (ரலி) நூல் : திர்மிதி (1913)

நபி (ஸல்) அவர்கள் கூறினார்கள் : எவன் (பிற) கூட்டத்தினரை சிரிக்க வைப்பதற்காக பொய்யான செய்தியைக் கூறுகிறானோ அவனுக்கு கேடு தான். அவனுக்கு கேடு தான். அறிவிப்பவர் : முஆவியா பின் ஹைதா (ரலி) நூல் : திர்மிதி (2237)

பிறரை பாதிப்புக்குள்ளாக்கி சிரிக்க வைக்கக்கூடாது

மற்றவர்களை பயமுறுத்தியோ ஏமாற்றியோ கேலி செய்தோ நமது நகைச்சுவைகள் இருக்கக்கூடாது.

அல்லாஹ்வின் தூதர் (ஸல்) அவர்கள் கூறினார்கள் : உங்களில் எவரும் வேண்டுமென்றோ அல்லது விளையாட்டாகவோ தனது நண்பரின் பொருளை எடுத்துக்கொள்ள வேண்டாம். தனது நண்பரின் கைத்தடியை கண்டாலும் அதை நண்பரிடத்தில் ஒப்படைத்துவிடட்டும். அறிவிப்பவர் : யசீத் பின் சயீத் (ரலி) நூல் : அஹ்மத் (17261)

அல்லாஹ்வின் தூதர் (ஸல்) அவர்களுடன் அவர்களின் தோழர்கள் ஒரு பயணத்தில் சென்றுகொண்டிருந்தார்கள். அப்போது அவர்களில் ஒருவர் உறங்கிவிட்டார். வேறு சிலர் (உறங்கிக்கொண்டிருந்தவருடன்) இருந்த அம்புகளுக்கு அருகில் சென்று அதை எடுத்துவைத்துக் கொண்டார்கள். அம்மனிதர் உறங்கி எழுந்தவுடன் (அம்பு காணாமல் போனதைக் கண்டு) திடுக்குற்றார். (இதைப் பார்த்த) கூட்டம் சிரித்துவிட்டது. நபி (ஸல்) அவர்கள் ஏன் நீங்கள் சிரிக்கிறீர்கள்? என்று கேட்டார்கள். அதற்கு அவர்கள் இவரது அம்புக்களை நாங்கள் எடுத்து (மறைத்து) வைத்துக் கொண்டோம். அவர் விழித்தவுடன் திடுக்குற்றார் என்று கூறினார்கள். ஒரு முஸ்லிமை திடுக்குறச் செய்வது எந்த ஒரு முஸ்லிமுக்கும் ஆகுமானதல்ல என்று அல்லாஹ்வின் தூதர் (ஸல்) அவர்கள் கூறினார்கள். அறிவிப்பவர் : அப்துர் ரஹ்மான் பின் அபீ லைலா நூல் : அஹ்மத் (21986)

source :-http://www.dubaitntj.net/2010/05/blog-post_12.html

எம்.பி.ஏ.,படித்தால் எதிர்காலத்தில் வேலைவாய்ப்பு எப்படி?

2011-11-05T22:32:00.000+05:30

எம்.பி.ஏ.,வின் எதிர்காலம் எப்படி? -2011/07/21

பொதுவாக நம் இளைஞர்களை கவனித்தால் அவர்கள் இன்ஜினியரிங் படிக்க வேண்டும் என்ற குறிக்கோளோடு அல்லது பட்டப்படிப்பு முடித்து எம்.பி.ஏ., படிக்க வேண்டும் என்ற இரண்டே குறிக்கோள்களைக் கொண்டவர் களாகவே பெரும்பாலானோர் இருப்பதைக் காண்கிறோம்.

இன்ஜினியரிங்கும் எம்.பி.ஏ.,வும் எதிர்காலத்தில் வளமான வேலை வாய்ப்பைத் தரும் என்று அவர்கள் மட்டுமல்ல, அவர்களது பெற்றோரும் நம்புகின்றனர். இதனால் தான் பிளஸ் 2ல் குறைந்த மதிப்பெண் பெற்றிருக்கும் தங்களது குழந்தைகளைக் கூட இன்ஜினியரிங் படிக்க வைக்கவேண்டும் என்று பொதுவாக பெற்றோர் விரும்புகின்றனர். சுமாராகப் படிக்கக் கூடிய இது போன்ற மாணவர்கள் இன்ஜினியரிங் படிப்பில் சரியாகப் படிக்காமல் தங்களது எதிர்காலத்தையே கெடுத்துக் கொள்வதையும் காண்கிறோம்.

இது போலவே தான் எம்.பி.ஏ., படிப்பும் நம்மில் பெரும்பாலானோரால் தவறாகப் பார்க்கப்படுகிறது. இதனால் தான் நமது பெருவாரியான கலைக் கல்லூரிகள் எம்.பி.ஏ., படிப்பை துவங்கி பணம் செய்யும் வித்தையில் அடுத்த கட்டத்திற்கு நகர்ந்துள்ளன. ஆனால் எம்.பி.ஏ., படிப்பானது அவ்வளவு உறுதியான வேலை வாய்ப்பைத் தரக் கூடிய படிப்புதானா?

சிறப்பான எம்.பி.ஏ., படிப்பை முடிக்கும் ஒருவர் திறன்கள், சிறப்பான தொடர்பு மற்றும் நிறுவன பின்னணியைப் பெற்றால் அவருக்கு நிச்சயம் மிக நல்ல எதிர்காலம் இருப்பது உண்மை தான். ஆனால் அரைகுறை சம்பளத்திற்கு ஆட்களைப் பிடித்து வந்து எதையும் முறையில்லாமல் நடத்தும் கல்லூரிகளால் தான் இன்று எம்.பி.ஏ., தனது மதிப்பை இழந்துள்ளது.

4 வார்த்தைகள் பேசக் கூடிய தகவல் தொடர்புத் திறன் இல்லாதவர்களால் மாணவர்களுக்கு தகவல் தொடர்புத் திறனை எப்படிக் கற்றுத் தர முடியும்? இது தான் பெரும்பாலான கல்லூரிகளின் நிலைமை. தமிழ்நாட்டிலேயே சுமார் 800க்கும் மேற்பட்ட கல்வி நிறுவனங்கள் எம்.பி.ஏ.,அல்லது மேனேஜ்மென்ட் படிப்பை நடத்துகின்றன. எம்.பி.ஏ., படிப்பில் சேரும் பலரும் வெறும் பட்டத்திற்காகத் தான் சேருகிறார்களே தவிர அந்தப் படிப்பின் தன்மையை அறிய முற்படுவதே இல்லை.

எம்.பி.ஏ., படிப்பானது எதைக் கற்றுத் தருகிறது?
திறன்கள்: பொருளாதாரம், நிதி, மார்க்கெட்டிங், மேனேஜ்மென்ட், அக்கவுண்டிங் போன்ற பாடத்திறன்களையும், மென்திறன்கள் (ஸாப்ட் ஸ்கில்), குழுவாக செயல்படும் திறன், தகவல் தொடர்புத் திறன் மற்றும் நெறிமுறைகள் போன்ற புலம் சாரா சிறப்புத் திறன்களையும் எம்.பி.ஏ., படிப்பானது தனது பாடத்திட்டத்தில் கொண்டிருப்பதுடன் கற்றுத் தரவும் வேண்டும்.

நெட்வொர்க்: நல்ல எம்.பி.ஏ., படிப்பானது வணிகத் துறையுடன் நெருங்கிய தொடர்பு கொண்டிருப்பதுடன், ஆசிரியர்கள் மற்றும் முன்னாள் மாணவர்கள் ஆகியோருடன் தொடர்ந்த உறவை உறுதி செய்வதாக இருக்க வேண்டும். இது கல்லூரி நிர்வாகத்தின் கையில் தான் உள்ளது.

பிராண்ட்: ஒரு சிறந்த பொருளுக்கான அடையாளமாக அதன் பிராண்ட் பெயர் தான் இருக்கிறது என்பதை அறிவோம். இது போலவே நல்ல எம்.பி.ஏ., படிப்பு என்பது நல்ல பிராண்ட் மதிப்பைக் கொண்டதாக இருக்க வேண்டும்.

தற்போதைய இந்தியாவில் எம்.பி.ஏ.,எங்கிருக்கிறது?
நம் பொருளாதாரம் வெகு வேகமாக கடந்த சில ஆண்டுகளாக வளர்ந்து வருகிறது. இதனால் வணிகம் பெருகுவதுடன் சிறப்பான மேனேஜ்மென்ட் திறனாளிகளுக்கான தேவையும் அதிகமாகவே உள்ளது. ஆனால் சிறப்பான திறன்களைப் பெற்றிருக்கும் மற்றும் போதிய பயிற்சியையும் பெற்றிருக்கும் மேனேஜ்மென்ட் திறனாளிகள் போதிய அளவில் கிடைப்பதில்லை என்பதே உண்மை. ஆனால் எம்.பி.ஏ., படிப்பை நடத்தும் பெரும்பாலான நமது கல்லூரிகளால் இது போன்ற திறனாளிகளை உருவாக்க முடியவில்லை என்பதும் உண்மை தான்.

எனவே நம் மாநிலத்தின் பல இடங்களில் உள்ள எம்.பி.ஏ., கல்வி நிறுவனங்கள் சரியான ஆசிரியர்கள் இல்லாமல் இயங்குவதுடன் எம்.பி.ஏ., படிப்பின் தாத்பர்யத்தை அறியாதவையாகவே உள்ளன. எனவே எம்.பி.ஏ., படித்தால் நிச்சயம் வளமான எதிர்காலம் உண்டு என்று மொட்டையாக நம்பாமல் நீங்கள் படிக்கும் கல்வி நிறுவனம் மற்றும் படிக்கும் விதம் ஆகியவற்றை மேம்படுத்திக் கொள்ள முனையுங்கள். இல்லாத போது எம்.பி.ஏ., என்னும் தகுதியே உங்களை பாடாய் படுத்திவிடும் என்பதை மனதில் கொள்ளவும்.

SOURCE;-http://kalvimalar.dinamalar.com/tamil/news-details.asp?id=1258&cat=10&q=General

எதிர்காலத்தில் புவியியல் அல்லது பொருளாதாரம் எது படிக்கலாம்?

2011-11-05T22:15:00.000+05:30

தற்போது பிளஸ் 2 படித்து வரும் மாணவன் நான். எதிர்காலத்தில் புவியியல் அல்லது பொருளாதாரம் படிக்க விரும்புகிறேன். எதைப் படிக்கலாம்?-2009/02/21

எதிர்காலத்தைப் பற்றி பிளஸ் 2 படிக்கும் போதே சிந்திப்பது ஆரோக்கியமான அம்சம். வாழ்த்துக்கள். பணிவாய்ப்புகளை வைத்து யோசித்தால் பொருளாதாரப் படிப்பே புவியியலை விட சிறந்ததாக திகழ்கிறது. புவியியலுக்குக் குறிப்பிட்ட பணி வாய்ப்புகளே உள்ளன. ஆனால் பொருளாதாரம் படித்து திறன் பெற்றவருக்கு பல்வேறு துறைகளில் சிறப்பான வாய்ப்புகள் கிடைப்பதைக் காண்கிறோம்.

பொருளாதாரத்தில் ஆர்வமுடையவராக இருந்தால் நீங்கள் பட்டப்படிப்பு முடித்து பின்பு அதில் பட்ட மேற்படிப்பும் படிப்பது அவசியம். பொருளாதாரம் படித்து முடிப்பவர்கள் சார்ட்டர்ட் அக்கவுன்டன்சி, ஐ.சி.டபிள்யூ.ஏ.ஐ., கம்பெனி செகரடரி, பிசினஸ் அட்மினிஸ்டிரேஷன், பைனான்சியல் இன்வெஸ்ட்மென்ட் அனலிசிஸ் போன்ற சிறப்புப் படிப்புகளைப் படித்தால் இவை தொடர்பான துறைகளில் மிளிரலாம்.

SOURCE:-http://kalvimalar.dinamalar.com